မြန်မာကက် လုပ်ငန်း၏သုံးစွဲသူကိုယ်ရေးအချက်အလက်နှင့်လုံခြုံမှု ကာကွယ်ခြင်း မူဝါဒ

Myanmar Cast (မြန်မာကက်)သည် မြန်မာနက်မှ စတင်မိတ်ဆက်လိုက်သည့် သတင်း၊ သီချင်း၊ ရုပ်ရှင်နှင့် ဖျော်ဖြေရေးကဏ္ဍပေါင်းစုံလင်စွာ ပါဝင်သည့် အင်တာနက် ရုပ်မြင်သံကြားအစီအစဉ်များအားစုစည်းတင်ဆက်ထားသည့် မိုဘိုင်းအပလီကေးရှင်းတစ်ခုဖြစ်ပါသည်။ဤစာစုသည် မြန်မာနက်နှင့် မြန်မာကက် ၀န်ဆောင်မှု လုပ်ငန်း၏ သုံးစွဲသူကိုယ်ရေးအချက်အလက်နှင့်လုံခြုံမှု ကာကွယ်ခြင်း မူဝါဒများနှင့်တကွ မြန်မာနက်မှ သင်၏ ကိုယ်ရေးအချက်အလက်များကို မည်သို့မည်ပုံ စုဆောင်းခြင်း၊ အသုံးပြုခြင်း၊ မျှဝေခြင်းများနှင့်ပတ်သက်၍ ရှင်းလင်းတင်ပြခြင်း ဖြစ်ပါသည်။

၁။ သင့်ကိုယ်ရေးအချက်အလက်များကို မြန်မာနက်မှ ကောက်ယူစုဆောင်းပုံ
၁.၁။ သင်ကိုယ်တိုင် ပေးထားခဲ့သော သတင်းအချက်အလက်များမှာ-
  • အကောင့်ဖွင့်ရာတွင်သင်ဖြည့်ခဲ့သည့် ကိုယ်ရေးကိုယ်တာနှင့်သက်ဆိုင်သော သင့်နာမည် ဖုန်းနံပါတ် လိပ်စာ မှတ်ပုံတင်နံပါတ် နှင့် ငွေရေးကြေးရေးဆိုင်ရာ အချက်အလက်များ
  • အင်တာနက်ဝန်ဆောင်မူ ဝယ်ယူခြင်းနှင့် ပတ်သက်၍ နေ့စဉ်သုံး (သို့မဟုတ်) လစဉ်သုံး (သို့မဟုတ်) ငွေဖြည့်ကဒ်ဖြင့် အသုံးပြုရာတွင် အသုံးပြုသော အချက်အလက်များ
  • ဘာသာစကား ရွေးချယ်မှု အချက်အလက်များ
၁.၂။ Mobile Application မှ အလိုအလျောက် စုဆောင်းထားသော အချက်အလက်များ
  • သင်အသုံးပြုသော Mobile Phone နှင့် သက်ဆိုင်သော အချက်အလက်များ ဖြစ်သည့် စက်ပစ္စည်း နံပါတ်၊ အမျိုးအစား၊ ထုတ်လုပ်သည့် ကုမ္မဏီ၊ Operating System ၊ Specific Version ၊ Mac Address နှင့် IP Address
  • သင်အသုံးပြုထားသော အင်တာနက်ဒေတာ အသုံးပြုမူ အချက်အလက်များ (သင့်အနေဖြင့်ဝယ်ယူထားသော ဒေတာ package များ အပြောင်းအလဲပြုလုပ်လိုပါလျှင် အလွယ်တကူ ပြောင်းလဲနိုင်စေရန် စုဆောင်းထားပါသည်။)

 

၂။ သင်၏ အချက်အလက်များကို မြန်မာနက်မှ အသုံးပြုပုံ

သင့်အား ပေးအပ်မည့် ဝန်ဆောင်မူနှင့် ပတ်သက်၍ ပိုမိုကောင်းမွန်လာစေရန် ရည်ရွယ်၍ သင့်၏ ကိုယ်ရေး အချက်အလက်များကို အောက်ပါအတိုင်း သုံးစွဲပါသည်။

  • မြန်မာနက်အနေဖြင့် လိုအပ်သော သင့်ကိုယ်ရေးအချက်အလက်များကို နောက်တစ်ကြိမ် ဝန်ဆောင်မှု ပြန်လည်အသုံးပြုသည့်အခါ လွယ်ကူစွာ အသုံးပြုနိုင်စေရန် ရည်ရွယ်၍ မှတ်သားထားခြင်း။
  • သင့် ကိုယ်ရေးအချက်အလက်များမှတစ်ဆင့် အနာဂတ်တွင် သင်လိုအပ်မည်ထင်သော Data Package ၊ Internet ဈေးနှုန်း အစရှိသည်တို့ကို တိကျမှန်ကန်မြန်ဆန်စွာ ဝန်ဆောင်မူပေးနိုင်ရန် မှတ်သား ထားခြင်း။
  • communicate for service related research purpose in order to understand more about your needs, requests, or difficulties that you are facing to enhance our internet services သင်သုံးစွဲလျက်ရှိသော မြန်မာနက်အင်တာနက်ဝန်ဆောင်မှုတွင် အခက်အခဲများ ကြုံလာသည့်အခါ တွင်လည်းကောင်း၊ မေးခွန်းများပေါ်လာသည့်အခါတွင်လည်းကောင်း မြန်မာနက်ဘက်မှ အမြန်ဆုံး ဖြေရှင်းပေးနိုင်ရန် ရည်ရွယ်၍ စုဆောင်းထားပါသည်။ ထို့အတူ မြန်မာနက်၏ ဝန်ဆောင်မှုလုပ်ငန်းတွင် ပိုမိုကောင်းမွန်သော ဒေတာ package ၊ user interface design များပြင်ဆင်နို်င်ရန် စုဆောင်း ထားပါသည်။including internet packages, user interface design and user experience

 

၃။ အချက်အလက်များ မျှဝေခြင်းနှင့် အသိပေးခြင်းဆိုင်ရာမူဝါဒများ

မြန်မာနက်မှ သင်၏ကိုယ်ရေး အချက်အလက်များကို တခြားစီပွားရေးလုပ်ငန်းများသို့ အကျိုးအမြတ်အတွက် မည်သည့်အခါတွင်မှ ရောင်းချခြင်းပြုလုပ်မည် မဟုတ်ပါ။ မြန်မာနက်အနေဖြင့် သင်၏ ကိုယ်ရေးအချက်အလက်များကို အောက်ပါအရေးကြီးသော အခြေအနေမှလွဲ၍ အသိပေးမျှဝေမည်မဟုတ်ပါ။

  • အကယ်၍ နည်းဥပဒေအရ တရားဝင် လုပ်ဆောင်မည်ဆိုလျှင်သော်လည်းကောင်း၊ သက်ဆိုင်ရာ အစိုးရ အဖွဲအစည်းများမှ တရားဝင်တောင်းခံလာလျှင်သော်လည်းကောင်း ဥပဒေနှင့်အညီ ပေးအပ်ပါ မည်။
  • မြန်မာနက်အနေဖြင့် အခြားစီးပွားရေးလုပ်ငန်းတစ်ခုမှ ဝယ်ယူခြင်း၊ ပူးပေါင်းခြင်း နှင့် ပြန်လည် ဖွဲ့စည်းခြင်းများ ဖြစ်ပေါ်လာခဲ့လျှင်သော်လည်းကောင်း ၊ သင့်အား ပေးအပ်သော ဝန်ဆောင်မူ ပိုမို ကောင်းမွန်လာစေရန် လိုအပ်ပါက မြန်မာနက် လုပ်ငန်းခွဲများကို အချက်အလက်များအား မျှဝေရန် လုပ်ဆောင်မည်ဖြစ်ပါသည်။

 

၄။ လုံခြုံရေးဆိုင်ရာမူဝါဒများ

လုံခြုံရေးဆိုင်ရာနောက်ဆုံးပေါ် နည်းပညာများဖြင့် သင်၏ အချက်အလက်များကို လုံခြုံမူရှိစေရန် မြန်မာနက် အနေဖြင့် ကာကွယ်မူပေးထားပါသည်။ သင်၏ ကိုယ်ရေးအချက်အလက်များအား တရားမဝင် လိမ်လည် လှည့်ဖျားခြင်းများ (သို့မဟုတ်) ခွင့်ပြုချက်မရှိဘဲယူဆောင်ခြင်းများ မဖြစ်ပေါ်စေရန် မြန်မာနက်ဘက်မှ လုံခြုံစွာဖြင့်သိမ်းဆည်းထားပါသည်။ မြန်မာနက်အနေဖြင့် ကာကွယ်မှုပေးထားသော်လည်း ကမ္ဘာပေါ်တွင် ပြီးပြည့်စုံသော လုံခြုံရေးစနစ်မည်သည်မရှိသောကြောင့် သင်၏အချက်အလက်နှင့် ပတ်သက်၍ ခွင့်ပြုချက် မရှိဘဲ ဒေတာခိုးယူခြင်း၊ ယူဆောင်ခြင်း နှင့် ပတ်သက်၍ အပြည့်အဝ အာမခံမှု ပေးနိုင်မည်မဟုတ်ပါသော်လည်း အရေးကြီးဆုံးကိစ္စတစ်ခုအဖြစ်သတ်မှတ်၍ အတတ်နိုင်ဆုံး ထိန်းသိမ်း သွားပါမည်။

 

၅။ ပြုပြင်ပြောင်းလဲမူနှင့် ပတ်သက်၍ အကြောင်းကြားခြင်း

မြန်မာနက်အနေဖြင့် ပြုပြင်ပြောင်းလဲခြင်းနှင့်ဆိုင်သော ကိစ္စရပ်များ ပေါ်ပေါက်လာပါက အချိန်နှင့်တပြေးညီ Website တွင် ကြော်ငြာပေးမည်ဖြစ်ပါသည်။ ပြုပြင်ပြောင်းလဲမူပြုလုပ်ပြီးနောက် သင့်အနေဖြင့် ဝန်ဆောင်မူအား ဆက်လက်အသုံးပြုနေပါက မြန်မာနက်အနေဖြင့် သင်သဘောတူညီသည်ဟု ယူဆပါသည်။ သင့်အနေဖြင့် မှတ်ချက်ပေးလိုလျှင်လည်းကောင်း၊ ဆက်စပ်သည့်မေးခွန်းများ မေးမြန်းလိုလျှင်လည်းကောင်း၊ အောက်ပါလိပ်စာသို့ ဆက်သွယ်နိုင်ပါသည်။

  • အီးမေးလ်လိပ်စာ- feedback@frontiir.net
  • လိပ်စာ - Frontiir Co., Ltd | အမှတ် ၃၃၊ ပြည်လမ်း၊ မရမ်းကုန်းမြို့နယ်၊ ရန်ကုန်မြို့။